CHANDIGARH:Monday te Punjab Chief Minister Amarinder Singh minor surgery loishe. Punjab CM toh Chandigarh laga Post-Graduate Institute of Medical Education and Research (PGIMER) para kidney pathor ulabole operation loishe.Official spokesman koishe surgery toh successful thakishe aro chief minister toh Tuesday te hospital para discharge hubo koishe.
PGIMER Doctors koishe kidney pathor toh Mr. Singh ke olop samay para dikdar dethakishe. Etu joldi operate kuri kena ulabole decide kurishe.
Spokesman koishe Monday te Mr. Singh opor te Doctor laga team para simple procedure kurishe. Etu surgery toh 40 minutes nimite hoishe.Doctor khobor kura hesab te etu surgery toh minor procedure thakishe aro chief minister toh olop din pichete tai laga regular routine kuribo paribo.
Spokesman koishe Mr Singh toh bhal hoi ase. Aro tai toh ek dui din pichete kaam wapas sur kuribo paribo.Chief minister toh Sunday saam te PGIMER te admit kurishe.
Mr. Singh laga umar toh 76-years ase. Tai December 9 PGIMER te tai laga routine medical tests jaishe. Tai viral fever bhi thakishe.Doctors koishe sob tests toh normal thakishe aro chief minister fully recover kuri ase hoile bhi etiya bhi olop komjor ase.
Add Comment