New York, 5 June : Simone Biles Kylie Jenner laga kapur brand Khy laga sizing te khushi nai. Olympic champion bujhaide Instagram te Wednesday din ekta hasi uthai diya selfie share kori thakise, juntu te tai ekta dangor size laga faux leather blazer pori thaka dekhaise. Tai outfit laga fitting ke “crime” buli koi, Gigi Hadid laga ekta meme logot compare korise.
“Ms. Kylie Jenner, itu ekta crime ase !!!!!!” Biles laga photo caption te likhise, juntu tai laga Instagram Story te share kora selfie te ase. Mirror selfie te 28 saal laga Biles ekta dangor red colour laga outerwear te pura dubi thaka dekhaise.
Tai piche para Gigi Hadid laga ekta besi edit kora photo share korise, juntu te Hadid ekta dangor size laga Vetements hoodie pori thaka dekhaise. “Last slide te moi ase, SICK,” buli Biles likhise, dui jon laga oversized kapur ke compare kori.
Simone Biles, juntu 4’8” height laga ase, smallest size order kora bhi, blazer tai laga body te fit nai hoi. “Itu to XXS/S nohoi,” buli 7 bar Olympic jitise tai likhise. Khy laga itu jacket laga price $138 ase, aru tinta colour—merlot, honey, aru black—te available ase. Size total panchta ase: XXS/S, S/M, L/XL, 2X/3X, aru 4X.
Brand laga official website te blazer laga description diya ase: “Ekta boxy, ultra-oversized blazer, drop shoulder aru flap pockets thaka. Textured, structured, premium faux leather para bonai kora.”
Kylie Jenner onek dhoron laga outerwear sell kore, juntu price $118 para $498 logot thake. Kardashians star November 2023 te laga label launch korise, aru launch hor first hour te $1 million sales paishe.
“Moi manu khan ke bujai dibole chaiki moi pura involve ase,” Jenner Vogue ke koisey.
“Concept te para start kori, designing, nohole co-designing jodi onno designer logot kaam korise, fabric, colour select kora, fit meeting sob te moi thaki ase. Moi he brand aru marketing laga creative director ase,” buli tai add korise.
Add Comment