New Delhi, 6 June : Indian men’s national team laga head coach Manolo Marquez upcoming AFC Asian Cup qualifier match, juntu June 10 te Hong Kong laga against hobo, karone squad ke kom kori 25 khiladi khan te loi ahi ase. Shuru te Indian team FIFA international friendly match karone Thailand te 28-member squad loi jaisey, juntu match Wednesday te hoise aru 2-0 para harise.
Goalkeeper Hrithik Tiwari, aru defender Mehtab Singh aru Subhasish Bose ke squad para release kora hoise, aru tai manu khan direct India te wapis jabole ase Thailand para. Baki thaka 25 players khan ekhon Bangkok te jai ase, juntu upcoming important match karone prepare koribo karone ase.
India laga qualifying campaign March mahina te Bangladesh laga against goalless draw para start hoise. Thailand laga against last match te harar por, pressure dangor hoise, karon etiya upcoming away match bisi important hoise. India laga group te thaka sob 4 team ek-ek point te ase, first round laga match hobo par ahise.
Add Comment