New Zealand, 6 June : Crusaders Friday din Queensland Reds uporot 32-12 laga dangor jeet loise, juntu karone tai khud laga semifinals home ground te khelibo paribo. Thanda, pani thaka condition te Scott Barrett aru Tamaiti Williams dujon pehla half te try marise. Second half te scrumhalf Noah Hotham ekta bhal solo try dishe aru flyhalf Rivez Reihana bhi ekta try marise. Last minute te Kyle Preston ekta intercept try loi game seal kuridise.
Reds taraf pora surute try maribo try kurise, kintu goal line kache te besi bar handling error huni chance miss kurise. Tai 70th minute te Josh Nasser ekta lineout drive pora try marise aru 76th minute te Fraser McReight Harry Wilson laga kick pora ekta try marise. Reds laga flyhalf Tom Lynagh head injury karone pehla half te ber hoi jabole lagise, juntu ekta dangor loss thakise.
Crusaders laga forwards pura match dominate kurise — breakdown te turnover loi, collisions te dominate kuri aru pehla half te charta penalty jitise. 15th minute te Barrett ekta turnover loi first try marise. 20th minute te Williams ekta try marise, juntu pisot tai knee injury karone field pora bahar jai dise. Reihana ekta conversion score kurise aru halftime te score 12-0 thakise.
Second half te Hotham laga kick pursue kuri ekta bishi bhal try score kurise aru Reihana bhi ekta try marise lineout pressure uporot. Last te Preston laga intercept try pora game close kuridise.
Itiya, Crusaders laga home playoff record 30-0 hoise, aru Australian team khan New Zealand te playoff match te etiya bhi 0-20 thakise. Dusra quarterfinals te, Chiefs vs Blues Hamilton te aru Brumbies vs Hurricanes Wellington te Saturday din khelibo.
Add Comment