Jakarta, 6 June : India laga top doubles team Chirag Shetty aru Satwiksairaj Rankireddy Indonesia Open Super 100 tournament te Malaysia laga Man Wei Chong aru Tee Kai Wun logot quarterfinals te Harishey.
Shetty aru Reddy 19-21, 16-21 te Malaysia laga duo logot harise. Match Jakarta te hoyaise aru 40 minute laga ase.
India laga team thoda rusty lagise, serve aru return te problem hoise, karon Malaysia laga duo recently Malaysia Masters aru Indonesia Masters jiti ase.
Defensive discipline aru anticipation te India laga player khub problem samna korise, karone Malaysia laga player bur dangor pressure dise, aru India laga khiladi bur bar bar mistake korise.
Satwik net te dui bar shot marise, juntu karone Malaysia logot 9-7 lead dise. Mid-game te Malaysia laga score 11-9 ase.
Satwik aru Chirag 11-11 te score tie korise aggressive play te, kintu Malaysia phale 15-12 lead loi gese. India player bur 17-17 tie korise kintu tar por bhal utilize kurianai.
Tee laga quick return pora Malaysia phale 19-17 lead loi gese, aru Chirag ekta loose net shot uporot point loi ase. Kintu Satwik net te mistake korise aru Malaysia laga game point ase, juntu Malaysia convert korise.
Dusor game te India laga player bur unsettled lagise aru 3-7 pora piche paraise. Malaysia laga player bur flat trajectory aru drift uporot bhal use korise, Tee laga sharp smash pora 15-9 lead loishey.
India player bur late fight korise, 16-18 te score loi ase, high-quality flat smashes dise.
Kintu Man net te bhal khelise aru Tee laga curling floater pora 20-16 te 4 match points ase. Malaysia phale match seal korise aru semifinals te advance korise.
Add Comment