Mizoram te 769 landslides hoishe. Aru 270 Ghor bia kurishe

Aizawl, June 7, 2025: Yete Mizoram laga State te Panni toh bishi din karne giri kina. State pura te jamala khan dea ase koishe. Yete Landslides, Landslips aru Flash floods khan hoi kina jamala dea ase. Yete Thursday sham phane. State laga Emergency Operation Centre khan para record kuribole parishe ki. Yete 769 jaga nishina te Landslides hoishe. Aru yete 272 Ghor aru Buildings nishina khan bia kuri dishe koishe. Yete Thursday din laga Report hisab te. 452 Families nishina khan taikhan nijor laga mati para ulai jaishe. Aru yete 338 families khan laga ghor toh bia kuri dishe koishe. Yete Landslides, Mudslides aru Pathor khan giri kina. Aru 144 families khan Tlawng aru Khawthlangtuipui nodi te thakhea khan bi ulai jaishe koishe. Aru yete bishi manu khan toh Relief camps khan te ase koishe. Aru yete power supply light khan bi bon kuri dishe koishe Mizoram laga bishi jaga khan te. Aru yete bishi town aru Bostikhan te Light khan nai koishe. Aru State Power aru Electricity Department laga Officials khan para koishe ki. 100 per cent power supply ine khan toh bhal kuri dishe koishe Aizawl laha City te. Hoilebi kunab jagate etea duk light anibole duk pai ase koishe.