Central Asia desh khan India ke support kurise Pahalgam attack opor

New Delhi, 7 June 2025: India aru Central Asia desh laga Foreign Ministers Friday din ekta meeting te Pahalgam te hua terror attack ke strongly condemn kurise. Tai khan koise ki terror attack laga mastermind, sponsor aru financer khan ke punishment dibole lage aru justice te ani bole lage. External Affairs Minister S. Jaishankar India-Central Asia Foreign Ministers Dialogue host kurise, juntu 3.5 saal pichete hoishe. Meeting te Kazakhstan Deputy PM Murat Nurtleu, Kyrgyzstan FM Jeenbek Kulubayev, Tajikistan FM Sirojiddin Muhriddin, Turkmenistan FM Rashid Meredov aru Uzbekistan FM Bakhtiyor Saidov participate kurise. Prime Minister Narendra Modi bhi lok kurise. Joint statement te countries khan Pahalgam attack ke condemn kurise, terrorism laga khilaf thaka commitment repeat kurise. Tai khan koi se ki terror financing, cross-border terrorism, radical ideology spread kora, arms aru drugs trafficking, cyber space misuse, sob humanity aru international relations laga against ase. UN Counter-Terrorism Convention laga joldi implement kura aru UNSC resolutions, FATF standards follow kuribole request kurise. Tai khan Afghanistan ke ekta peaceful, stable aru terrorism-free country bana bole support dise. Jaishankar thank you janai dise Central Asian desh khan ke, India ke support kura karone aru 2015 PM visit pora cooperation bishi uthi jaise koise. Trade, security, defence, technology aru connectivity te India aru Central Asia milikena kama kuri thaka commitment confirm kurise. International North-South Transport Corridor (INSTC) laga opor use bara bole koise, aru India Turkmenistan aru Uzbekistan laga membership ke support kurise. Chabahar Port opor April 2023 te Mumbai te loa meeting ke appreciate kurise, aru Shahid Beheshti Terminal use kura aru alak jagate trade bara bole interest janai diya India welcome kurise. Rare earth aru critical minerals te bhi milkena exploration kuribole interest janai dise, aru second India-Central Asia Rare Earth Forum organize kuribole request kurise. Delegation exchange kuribole encourage bhi kurise. Tai khan 2025 te ekta second India-Central Asia Summit hold kuribole planning start kuribole agree kurise.