Aizawl, June 9, 2025: Mizoram laga Lunglei District, Tlabung Bosti khan para Protest suru kurishe koishe. Yete Teacher ekjun ke alak jagate pathai dibole karne. Etu toh Government Tlabung High School para. Yete taikhan para Students aru Staff khan laga rasta khan bi bon kuri dishe koishe.
Yete Local khan laga Khobor hisab te. Etu Protest toh kile suru kurishe koile. Yete Government High School Lungtian laga Mathematics teacher ke Aizawl te transfer kurea nimete. Aru yete Tlabung laga teacher ekjun ke Lungtian te pathabole thakhishe koishe. Tai laga jaga lobole. Bosti manu khan para koishe ki. Taikhan etu jani kina mun bikhaishe koishe. Yete taikhan teacher ke loija nimete. Tai laga jagate kun kebi na anea karne. Aru koishe ki. Etu toh thik nai koishe.
Protest toh suru kurishe koishe. Yete Bosti manu khan parabi School laga rasta toh bon kuri dishe koishe. Yete Students aru Teacher khan kebi anea nai koishe. Aru Sunday din te Bosti manu khan church ja homoi te. Alak Organisations Hindu Welfare Society, Young Pahari Association, aru Young Chakma Association khan pala pali kuri kina rasta bon kuri thakhishe koishe. Aru yete Government khan parabi eku jawab dea nai koishe, Etu nimete School toh etea bi bon kuri kuri kina ase koishe PROTEST kurea khan para.
Add Comment