Munich, 11 June : India laga ekjon dangor aur experienced women’s air rifle shooter aru two-time Olympian Elavenil Valarivan, Munich te thaka Olympic Shooting range te, aji saal laga third ISSF World Cup (Rifle/Pistol) stage laga first din competition te bronze medal jiti loishey, nijor pichola bar laga record te ekta step upar uthaishey. Ela 24-shot final laga 22th shot te score 232.1 mark kori bronze te bow out korise, juntu te China laga Wang Zifei (252.7) gold aru Korea laga Eunji Kwon (252.6) silver jiti loishey.
Ela surute qualification te bhi record banai lobi – 60 shot te 635.9 score kori second place te finish korise, juntu roughly 10.6 score per shot hobo. Kintu China laga Wang Zifei, juntu aji saal te World Cup te hat-trick win complete korise, 637.9 score (junior world record bhi) kori qualification te top place loise. Itu score Germany laga Anna Janssen laga agola record 636.9 (New Delhi World Cup Finals 2024) te bhal kori dise.
Reigning Olympic Champion Ban Hyojin (Korea) aru World Champion Han Jiayu (China) bhi final top-eight te qualify korise, tai final session khub intense aru high-level competition hobo tu already expect kori thakise — aru itu te sob manu dekhibo.
First 5-shot series pichite top 5 shooters laga difference khali 0.6 thakise, aru second series pichite first 4 laga difference 0.1 thakise. 20th single shot te Norway laga Jeanette Hegg Duestad fourth place te eliminate hobo somoy, Ela lead te thakise aru Duestad te difference khali 0.6 thakise.
Ela laga sob shot 10.1 ke niche nai thakise, kintu 21st shot te 9.8 score kora karone Kwon laga pichone 0.2 point short ho jai, gold miss kori jabi, hoilebi last shot 10.6 thakise.
Final te Turkiye laga Elif Altun he ekjon non-Olympian thakise, aru tai 12th shot pichite first eliminate hoise.
Ela laga final scores:
10.7, 10.4, 10.8, 10.3, 10.7;
10.4, 10.9, 10.8, 10.3, 10.5;
10.8, 10.6, 10.5, 10.1, 10.4;
10.1, 10.7, 10.8, 10.3, 10.7;
9.8, 10.6.
Add Comment