KHLIEHRIAT | Dec 17, 2018:Meghalaya laga East Jaintia Hills te 13 miners ‘rat-hole’ mine te fasishe. Paach(5) din hoishe hoile bhi etiya bhi fasa manu khan ke bachabo na pari kena ase. Unofficial khobor hesab te paachta(5) miner para bishi miners fasi kena thakibo pare koishe.
NDRF aro SDRF team toh fasi kena thaka miners khan ke etiya bhi bachabole kosis kuri ase. Fasa miners khan bachibole chances toh kom ase koishe.
The Shillong Times khobor hesab te miner Sayed Ali (21) koishe etu ghatna huwa din te tai ke melai kena 18 miners etu mine te koishe. Sayed toh etu ghatna nohuwa agote quick para ulai jaishe koishe. Genti nokura charta miners majote teenta toh Assam para ase aro ekta toh Nepal para ase.Sayed laga kotha hesab te etu ‘rat-hole’ mine te 17 miners ase koishe. Miners khan etu ghatna no huwa laga 12 days agote para kaam kuri ase koishe.
Khobor hesab te 350-ft mine te alag alag jaga para pani ahija nimite miners khan fasi jaishe.
Jua kali tok bachabole aha manu khan toh 30 feet para niche jabo para nai. Pani toh 80ft opor uthi kena ase koishi. NDRF para 72 personnel aro SDRF para 20 personnel, etu rescue operation te engage ase.
Add Comment