Kohima, 12 June 2025: June 11,2025 de, Directorate of Health & Family Welfare(H&FW) Kohima, Nagaland para reaffirm kurise commitment ekta Tobacco-Free office maintain kurivolae ekta formal observance loi kena lobby de. Etu event para underscore kurise Directorates laga leadership public health aru daikhan laga dedication workplace laga hygiene aru safety opor. Etu initiative tu align ase Government laga notification (No.MED-5/11/92/(Pt)/24,January 25,2023), juntu officially delcare kurise Directorate ke Tobacco-Free Zone ekta. Ekta circular issue hoise etu status reinforce kurivolae aru ensure kurivolae staff compliance karone.
Program lua time de ,Commissioner & Secretary H&FW laga Anoop Khinchi, IAS para emphasize kurise strict adherence lobolae tobacco-free norms de. Dr.Mereninla Senlem, Director& HOD, para overview provide kurise Tobacco-Free office guidelines karone aru event laga chairperson tu Dr. Khelito Zhimomi takise. Dr.Arenla Walling para highlight kurise key provisions khan Cigarettes aru alak Tobacco products Act (COTPA), 2003 laga.
Event tu ekta pledge ceremony aru vote of thanks Dr.Reyosalu Lase Vizo para di kena khotom hoise.
Etu program para health hazards opor stress kurise aru tobacco uses khan juntu para cancer aru cardiovascular diseases khan olai aru noth kuris eke 43% adults Nagaland de tobacco users ase koina. Guidelines para koise ke spitting aru smoking tu strictly prohibited ase office premises de, aru violations aru punishment khan hobo under COTPA aru IPC under de. Ekta anti tobacco committee bonaise etu laga enforcement aru awareness karone. Directorate para staff aru visitor khan sob ke cooperate kurivolae call kurise etu policy uphold kurivolae.
Add Comment