New Delhi, 12 June : Bollywood actor Vikrant Massey, juntu Vidhu Vinod Chopra laga film 12th Fail pora famous hoise, tai laga cousin Thursday din Air India plane crash te mori jaa karone dukhi khobor share korise. Actor nijalag Instagram Stories te itu khobor share kori dise. Vikrant laga uncle Clifford Kunder laga lora, Clive Kunder, First Officer thakise Air India Flight AI 171 te, juntu Ahmedabad para London jabo karone takeoff kori thakise. Boeing 787 Dreamliner, juntu 242 jon passenger loi thakise, Meghaninagar area laga najik crash hoijai jabo, takeoff kuria kunba minute upor te.
12th Fail actor Vikrant Instagram Stories te likhi dise:
“Moi laga mon todi jaise jun para log aru tai laga family itu din te Air crash te mori jabole lagise Ahmedabad te. Moi dukh aru besi hoise jani jabole ki moi laga uncle Clifford Kunder laga lora, Clive Kunder, tai thakise itu flight te First Officer. God apuni aru apuni laga family ke strength dibo, uncle. Sob affected logote moi laga mon ase.”
Itu crash te 242 jon passenger aru crew thakise, kintu ekla ekjon survivor paise. Police Commissioner reveal korise ki tai laga naam ase Ramesh Viswashkumar, aru tai seat number 11A te thakise.
Air India laga plane Ahmedabad airport para 1:48 pm te take off korise. Tai takeoff kora thik 9 minute pora, 625 feet height te crash hoijaishey. Itu plane London jabo karone takeoff korise. Plane te 242 jon passenger thakise — juntu te 2 jon pilot aru 10 jon crew member include thakise. Former Gujarat Chief Minister Vijay Rupani bhi itu plane te thakise. Plane crash hua turant pora pura plane ball of fire bana jaise. Osor thakia building bhi damage report aase.
Itu accident Ahmedabad Horse Camp laga najik te hoise, juntu Civil Hospital laga side te ase. Crash hobo pora turant Air Force aru Army team rescue operation te lagise. NDRF bhi rescue te help kori ase.
Add Comment