London, 13 June : Premier League laga club Tottenham Friday din Thomas Frank ke notun head coach hisab te appoint korise, ekta bar London based team, juntu Ange Postecoglou ke etiya hafta te fire korise.
Frank logot ahibo First Team Assistant Coach Justin Cochrane, Head of Performance aru First Team Assistant Coach Chris Haslam, aru First Team Coach Analyst Joe Newton – sob Brentford para. First Team Assistant Coach Andreas Georgson Manchester United para join koribo.
51 umar laga Denmark para ahise Frank, Tottenham logot tin bosor laga contract sign korise. Frank Brentford ke Championship (second-tier) para Premier League te loi jabo te boro role play korise tai laga long-time coaching period te.
Frank age Denmark laga U16, U17, aru U19 team ke manage korise 2008 para 2013 olopdin, tar pisot 2013 te Brondby laga head coach banise. 2016 te Premier League club Brentford te assistant coach banise, aru 2018 te head coach banise. Tai Brentford logot bhal result anise aru appreciation paise, jetia tak Spurs role accept koribo laga faisla loise.
Tottenham etiya hafta te tai laga former boss Ange Postecoglou ke nikal dise. Postecoglou Tottenham ke 17 saal pisot prothom trophy, UEFA Europa League title, juntu Manchester United logot final te (Bilbao te) jiti loise, diya thakilebi 2024/25 Premier League season te team ke sirf 17th place te loi jabo parise. Etu performance dekhi Tottenham tai ke fire koribo laga faisla loise.
Add Comment