Munich, 13 June : India laga shooting superstar Sift Kaur Samra etiya ekta international success add korise tai laga naam te, Thursday din ISSF (International Shooting Sports Federation) World Cup (rifle/pistol) te women’s 50m rifle 3 positions event te bronze medal jiti.
23 umar laga Faridkot, Punjab para ahise Sift, aru powerful international competitors logot compete kori final te 453.1 score mark kori third position finish korise, juntu tai ke dunia laga top rifle shooters te itu bar establish korise.
Gold medal Norway laga Jeanette Hegg Duestad ke jai, jun final te sensational 466.9 score dise, aru Switzerland laga Emely Jaeggi silver medal jitishey 464.8 score logot.
Samra qualifying round te bhi solid performance disey – total 592 score kori second finish korise across kneeling, prone aru standing positions. Tai France laga Agathe Cecile Camille Girard logot same score thakilebi, Girard beshi inner 10s (Xs) mark korile karone top finish korise. Switzerland laga Audrey Gogniat third te finish kori final te reach korise.
Etu bronze medal Sift Kaur Samra laga 2025 season te already remarkable performance te ekta aur achievement add korise. Tai season start te Buenos Aires te ISSF World Cup gold jiti thakise – jun 2024 Paris Olympics te disappointing performance pisot ekta dangor morale boost hoise.
Already ekjon record-holder, Sift Kaur Samra women’s 50m rifle 3 positions te abhi bhi world record holder ase – 469.6 score, juntu tai 2022 Asian Games (Hangzhou) te gold medal jitibole time te set korise.
Dusra Indian shooters te, Ashi Chouksey narrowly final miss korise, 589 score logai 11th finish disey. Veteran shooter Anjum Moudgil 586 score logai 27th te finish korise, aru Shriyanka Sadangi aru Nischal 53rd aru 60th position te finish korise respectively.
Add Comment