New Delhi, 16 June : Film director Mahesh Kalawadia, juntu Mahesh Jirawala naam te bhi jana jai, June 12, 2025 te Ahmedabad te hua Air India plane crash laga din para missing ase. Itu durghatna te missing hoa piche te, filmmaker laga family DNA sample dishe.
Paisa information hisab te, Mahesh laga mobile location crash jaga para sirf 700 metre dur te trace korishey. Juntu manu khobor nai, Air India Flight AI171, juntu Ahmedabad para London jaitak thakise, take off korar kisu time piche te Meghaninagar area te crash korise.
Air India laga itu flight te 242 jon passenger thakise. Plane 625 feet altitude te radar contact harai jaise aru 1.39 pm te Sardar Vallabhbhai Patel International Airport para take off korar tur tur piche te Meghaninagar te thaka ekta medical college laga campus te crash korise. Itu crash te 242 jon te 241 jon logote, zamin te thaka 29 jon manu bhi morishey.
Janibole karone, Mahesh Jirawala music album direct kori thakise aru crash hoa din dupor te Law Garden area te ekjun manu logot bhi khaiki jabo nisina plan thakise, koi se Mahesh laga wife Hetal. Authorities khan DNA sample collect kori ase victims khan laga identity confirm koribole karone. Sunday din te authorities confirm korise ki 47 jon victim laga identity DNA matching para confirm korishey.
Bollywood laga dangor-dangor celebrities khan, jiman Alia Bhatt, Shah Rukh Khan, Akshay Kumar, Karan Johar aru Sunny Deol bhi nijor social media profile te itu dangor durghatna te laga duk aru concern express korise, juntu flight te 242 jon passenger thakise.
Add Comment