Rome, 17 June : Gennaro Gattuso ke Italy laga nati football team laga notun head coach hisap te appoint korishey, Italian Football Federation (FIGC) Sunday din announce kurise. Itu appointment to kichu din logot aage Luciano Spalletti resign kura pichete aahise.
Spalletti, jun August 2023 te Azzurri laga coach banise three-year contract logot, resign kurise Euro 2024 te disappointing performance aru etiya laga 2026 World Cup qualifier te Norway logot 3-0 pora haar pichete.
Italy laga second qualifier match Moldova logot khela age, Spalletti ekta press conference te announce kurise ki tai match pichete resign kuribo, jitia Italy to 2-0 te jeet paise bhi.
Gattuso, 47 saal laga, ekjon former AC Milan midfielder ase, jun Milan logot duta Serie A title aru duta UEFA Champions League trophy jitise. Tai Italy laga 2006 FIFA World Cup-winning team laga part bhi thakise.
Add Comment