New Delhi, 18 June : India laga U23 men’s team Tajikistan te pua ase doita friendly match khelibo karone, host team aru Kyrgyz Republic logot. Blue Colts first match Tajikistan logot hobo Wednesday din Hisor Central Stadium te.
Head coach Naushad Moosa laga lead te, India U23 team — juntu te Assam laga player Parthib Sundar Gogoi bhi ase — June 1 pora Kolkata te training camp kori thaka ke, Central Asia laga desh te travel korise. Monday evening Dushanbe, capital city te ula pora pichhe, Moosa laga 23-member squad Tuesday morning te ekta mobility session loise aru evening te 90-minute laga training session hobo. June 21 te India second match Kyrgyz Republic logot khelibo.
Blue Colts karone, Tajikistan laga etu matches hoise preparation karone for AFC U23 Asian Cup 2026 Qualifiers, junu September te hobo. India laga group te ase Bahrain, Qatar aru Brunei Darussalam, aru etu bar India U23 team U23 Continental event qualify koribo try korise, etu first time hobo.
Dushanbe sea level pora 700 metre upar te thaka bhi, etia laga weather dangor gorom ase, din te temperature 40 degrees tak ula jai. Blue Colts laga main adjust koribo laga kaam ase artificial turf surface te khelibo, jun Hisor Central Stadium te ase — Dushanbe city pora 25 kilometre dur te. Moosa hope korise ki 20,000 capacity thaka stadium te bhal turnout thakibo.
Add Comment