India, 18 June 2025: Popular English singer Ed Sheeran Bollywood te debut kuribo ase ekta Hindi gaana loikina, jun Shah Rukh Khan laka aahibole film King karone ase. Olop din age Ed ekta gaana release kurishe, naam Sapphire, junte Indian singer Arijit Singh bhi ase. Aro video te Shah Rukh Khan ekta surprise cameo bhi dishe. Kintu lagishe ekta dangor kotha bhi ahi ase.
Tuesday din, Ed ekta behind-the-scenes (BTS) video share kurishe Sapphire bana thaka somoy laka. Video te tai Punjabi line record kurithake dekha jai, aru Hindi te gaana gabo kotha bhi koi ase. Ekta fan club Instagram te video post kurishe aru koishe, “Hindi naki, Punjabi version ase naki?” Ed comment te reply dishe: “The Hindi song was for a Bollywood movie SRK is doing, this is the Punjabi version of Sapphire with Arijit. I’m just doing all languages at this point.”
Etu honikina fans sob excited hoishe. Bishi manu bhabe ki Ed laka Hindi gaana toh King film karone ase — jun ekla film ase juntu Shah Rukh Khan eto time te kaam kurithaka. Film tu Siddharth Anand niche direct kuri ase, aru King te Shah Rukh Khan aru tai laka daughter Suhana Khan bhi eki logote screen share kuribo. Deepika Padukone, Rani Mukerji, aru Abhishek Bachchan bhi film te ase.
Fans khan Ed aru Siddharth Anand ke BTS video te eki logot dekhi loi, aru doubt confirm jabo lagi ase.
King laka release date toh announce kura nai, kintu Ed Sheeran laka Hindi debut confirm hoile Bollywood karone ekta dangor moment hobo.
Add Comment