US, 18 June 2025: Liam Neeson ekta notun role try kuribo ase — comedy. Usually tai serious action film juntu Taken jani jaai, tai aji kali Police Squad laka leader hoishe ekta reboot film te, juntu classic comedy film The Naked Gun laka remake ase. Original film 1988 te release hoishe aru famous hoishe tai laka slapstick, funny style karone. Aji kali laka generation karone bi same moja ani bole try kurishe.
Etu notun film te, Liam Neeson aru Pamela Anderson eki logote acting kuribo. Trailer release hoa piche te, bishi fans khushi nohoi. Konba manu koishe Liam comedy role karone thik actor nohoi. Ekjon comment kurishe, “Moi Liam ke bhal paay, kintu etu role karone naturally funny actor lage, action hero nohoi.” Dusra ekjon koishe, “Etu movie remake kuribo na lage. Original bhal ase.”
Bishi viewers trailer deki koishe ki etu film original laka feeling nai. Kunba jokes bhi lagi ase old movie pora copy kura nishina. Ekta fan comment kurishe, “Etu original nishina nohoi. Kun pora etu cast pick kurishe?”
Kintu sob fan nohoi hopeless. Ekjon loyal fan koishe, “The Naked Gun moi laka all-time favorite ase. Moi hosa pora hasi. Moi try dibo etu reboot ke, kintu trailer bishi convince nohoi. Original music aru police car scene laka lage!”
Trailer pora mixed response pailebhi, ekta kotha to sure ase — manu sob etu kotha kuri ase. Aji kali fans khan wait kurishe dekhibole film tu original nishina bhal hobo niki.
Add Comment