June 20, 2025, 05:41 PM: Ekta Toolkit Hand Over kuria laga Ceremony loishey, itu PM Vishwakarma Scheme under tey, Kohima laga DC Office tey para, itu Deputy Commissioner Kohima, B Henok Buchem, NCS laga samney tey para, 20th June, 2025 tey. Itu event toh hoiley ekta important step hisap tey mark kurishey, traditional artisan khan aru craftspeople khan ke empower kuria laga, itu district tey.
Itu event tey kotha kuri kena, itu Deputy Commissioner para koishey, itu din toh hoiley ekta significant din thakishey, kiley koiley government para lagi thaka need khan dishey aru local artisan khan opor tey interest dikhaishey. Chief Minister – Dr. Neiphiu Rio laga kotha “Don’t eat the seeds, plant the seed” laga kotha quote kuri kena, tai para artisan khan ke tai khan laga laab pawa toh ekta hundred nahoiley thousand fold tey multiply kuriboley urge kurishey, itu tool khan provide kuriatoh chulai kena aru sustainability aru long-term success phaney kaam kuri jaboley koishey.
Itu point illustrate kuriboley, itu DC para ekta example dishey, business strategy laga, kotey ekta mainland dukan kuria manu toh hoiley ₹1000/- para kina saman toh ₹2000/- laga daam para bikai, judi itu bikaboley napara hoiley, itu saman laga daam toh ₹1500/- tak komti kuri diye, nahoilebi upai nathakiley ₹1000/- tak bhi daam komti kuri diye, poila laga profit pawa toh bhavana kuri kena. Hoilebi moi khan jaga laga dukan kuria manu khan toh poila keneka ₹2000/- thakishey eman saal pichetey bhi same toh hey rakhey daam toh.
Tai para artisan khan ke, professional, dedicate thaka aru sacrificial hoboley karney koishey, tai khan laga effort khan tey, akha express kuri kena, ki, aha saal khan tey, itu district toh hoiley yatey laga proud kahani khan huniboley proud hobo.
Add Comment