BHUBANESWAR:Tuesday te Odisha laga alag alag jaga te pani gerishe aro hawa marishe. Etu toh Cyclone Phethai Andhra Pradesh laga coast te impact nimite ase.
India Meteorological Department (IMD) koishe south Odisha forcast hesab te state te jor nohoile bhi bishi jor pani geribo koishe. Western region te bhi Wednesday tok bishi pani giribo koishe. Etu toh cyclonic storm landfall kora nimite ase.
Director of the Meteorological Centre, HR Biswas koishe Andhra Pradesh laga north coast depression toh north-north-east direction te jaishe. Depression toh low pressure jag ate komjor hoishe. Tuesday fusur para depression toh north-west aro adjoining Bay of Bengal aro Odisha laga west-central te ase.
Mr. HR Biswas koishe depression toh next baro(12) ghanta te aro bhi low pressure area te namibo pare koishe.Senior Official koishe south aro western Odisha te bishi biya weather para normal life affect kurile bhi. Etiya tok casualty laga eku khobor nai. Khobor hesab te Odisha laga kunba jag ate power supply dikdar hoishe.
Special Relief Commissinor’s (SRC) office laga senior official koishe Gajapati district te 11,600 manu jaga khali kurishe. October te bhi Cyclone Titli para bishi ghor biya kurishe. Cyclone Titli para ghor biya kora toh bhi etiya fully recover kura nai.Gajapati district laga ekdam dikdar satta(seven) blocks te thaka manu khan ke safe jaga te loi jaishe.
Official koishe relief camps khan khulishe. Evacuate kura manu khan ke khana aro dusra essentials provide kurishe koishe. Din biya samay te adha banai kena thaka ghor khan te thaka dangerous ase etu nimite government para manu khan ke shift kuribole koishe.
Met office koishe Malkangiri, Koraput, Gajapati, Ganjam, Rayagada aro Kalahandi districts laga alag alag part te hawa logote bishi pani geri ase.
State government laga advice mani kena Odisha laga bishi jaga para crops pani para bacha bole precautionary measures loishe.Hoile bhi farmers khan pani para loss toh paishe.40 kmph para 50 kmph laga hawa toh next baro ghanta te South Odisha te ahibo koishe. Pani toh Wednesday para kom hubo pare koishe.
Add Comment