New Delhi, 21 June : Bayern Munich Club World Cup laga knockout stage te jagah confirm korise ekta dangor fight diya 2-1 jeet logot Argentina laga Boca Juniors upar te, Friday din — goals Harry Kane aru Michael Olise para aahise.
Paris Saint-Germain Botafogo logot haar jaa aru Chelsea Flamengo logot haar kha jaa pichete, Bayern ekjon matro European team banise jun South American team uporot jeet pai, Group C laga match te ekdom strong performance dekhaise.
Match Hard Rock Stadium te khela hoise, jahan 63,587 jon passionate Boca fans khan full stadium ghorina electric atmosphere create korise.
Kintu Bayern laga khela surute he crowd ke chup kori dibi laga kaam shuru korise — Joshua Kimmich aru Leon Goretzka midfield control kori thakise, aru Bayern laga attack te Boca laga defence pura stress te loi jaise.
Olise laga ekta corner eighth minute te goal banise mone kora hoise, kintu VAR replay te dekhai dise ki Serge Gnabry Boca goalkeeper Agustin Marchesin ke obstruct korise, juntu karone goal cancel kori dishey.
Dus minute pichete, Bayern finally breakthrough pai — Boca properly ball clear nokoriparile, aru Kane ekta left-footed shot logot bottom corner te goal marise.
Boca bhal try korile bhi, Bayern control te thakise. Kane laga ekta free-kick bar upor sehi jabo para 2-0 hoibo thakise, kintu post interval te Boca press kora shuru korise aru 66th minute te Miguel Merentiel goal marikina equalise korise.
Kintu last 6 minutes te Olise Kane laga assist logot ekdom crucial goal marise, aru itu goal final result fix korise — Bayern laga 2-1 jeet.
Itu match South American team laga first haar mark korise itu competition te, aru Boca etiya 1 point logot ase.
Bayern etiya group te 6 points logot top te ase — juntu Auckland City ke opening game te 10-0 harai loise. Portugal laga Benfica second place te ase 4 points logot.
Add Comment