Berlin, 21 June : Marketa Vondrousova Saturday din Berlin te world number one Aryna Sabalenka ke harai dise aru Wimbledon title duita saal agey jiti uthar pora etiya tak laga prothom final te reach kori dise.
25 bochor laga Czech player, juntu world ranking te 164 number te ase, Sabalenka ke pura dominate kori 6-2, 6-4 te haraise, aru etiya Sunday din title jitor match khelibo Berlin te dusra semi-final laga winner Wang Xinyu aru Liudmila Samsonova laga majot.
Vondrousova pichola saal ekta left shoulder injury nimite dangor time tak tennis pora bahar thaka karone ranking te sixth pora direct nicha loi 164 number te chuli aise. Injury nimite surgery bhi kori thakise.
Opening set te Sabalenka laga first serve bhal nohole, Belarus laga player second set te ekta break loi suru korise. Vondrousova 0-2 te down thaka pora 2-2 te level korise, aru 5-4 te break loi lead loi jai match finish korise—itu usor laga prothom bar ekta world number one player ke hara thaka match bhi ase. Match khotom korar agote tini bar break point save kori ekta ace mara pora 1 ghonta 5 minute te jeeti lobi dise.
27 bochor laga Sabalenka nimite etu 2025 te 8ta semi-final te prothom bar har.
China laga Wang Thursday din French Open champion Coco Gauff ke harai dise, aru tar pora Spanish player Paula Badosa laga against te khelite first set 6-1 hara laga pora Badosa retire kori dise, juntu karone Wang directly semi-final reach korise. Wang laga opponent, Samsonova, etiya tak grass court te dangor performance di ase—defending champion Jessica Pegula, Naomi Osaka aru Queen’s finalist Amanda Anisimova ke bhi haraise etu week te.
Add Comment