Tulsi Gabbard pra koishey echa Iran khan nuclear hatiyar weeks bitor te banabo pareh

Iran, 22 June 2025: Tulsi Gabbard pra koishey Iran khan nuclear hatiyar weeks bitor te banabo pareh, Tai congress samne te testified kuri kina olop months par hwa pichideh ki country toh etu khan bana nahoi koina. US Director of National Intelligence pra koishey tai laka March testimony- kute tai koishey Iran khan saman laka stocks ase hoileh b etu hatiyar toh bana nahoi koina- context pra bahar olai shey ‘dishonest media’ pra. Tai laka position change toh ahishey Donald Trump pra kwa pichideh ki tai toh galti ase aro intelligence khan dikhai shey Iran khan saman laka bishi amount ase aro months bitor te nuclear hatiyar banabo pareh. Iran khan hotai koishey taikhan laka nuclear programme toh pura puri peaceful ase aro taikhan kicha b nuclear hatiyar banabo leh koshis kuri nai. Thursday din te, Trump pra koishey tai Tehran ke maximum duita weeks d ase deal punchibo leh taikhan laka nuclear activities opor te Washington lokot.