Manipur Security Uthai dishe. Ekta Militants Ke Arrest Kurishe

Imphal, June 22, 2025: Manipur Security Forces khan para yete Hills aru Valley District te operation kurishe koishe.Yete taikan ekta active Militants ke arrest kurishe koishe. Aru yete Banduk aru Banduk laga Guli, Bomb khan bi paishe koishe. June 21, Saturday din te. Security khan para yete KCP laga groum member ke arrest kurishe koishe. Tai toh Yanglem Sadananda Singh ase koishe. Aru tai toh 26 saal ase koishe. Tai toh Imphal West District laga Mayang Imphal Thana Mamang Thonkhong para ase koishe. Aru tai laga haat para Red Royal Enfield 350 Thunderbird Motorcycle Paishe koishe. Aru yete Mobile Phone, Airtel SIM Card aru 19 KCP laga Demand letter paishe koishe. Aru Imphal East District laga Mayaphung-Sanasabi laga Hill jaga para. Security khan para yete .303 Bipod-Mounted Rifle paishe koishe. Aru yete 7 guli bi thakhishe. Duita bhari Caliber Mortar, 20 Mortar laga bomb aru Duita Burmese laga Bomb. Charta Baofeng Radio sets aru charger. Ekta Pistol aru 3da Guli. Aru 7.62 mm laga 20 guli nishina paishe. No.36 laga hand Grenade 7 paishe. 3da O Ring Grenade. Pasta No.8 WP Grenades. Duita BP Jackets, Helmet aru Jungle laga juta khan bi paishe koishe.