US, 24 June 2025: Actor Rachel Zegler, juntu Snow White film te act kurishe, online te manu khan laka negativity kenika handle kure manu ki koi dishe. i-D magazine ke dia interview te, 24 sal laka actor koishe ki social media laka kotha khan bishi shocking ho pare, kintu tai victim mindset choose nakure.
2021 te Zegler ke Snow White film te cast kora pisot, online te manu khan tai ke target koribole shuru korishe. Bishi manu khan tai ke film te loi thaka decision ke question korishe. 2022 te tai criticize kurishe, jitu time te tai Prince Charming ke 1937 story te “dated” koishe aru koishe ki tai “literally stalks” Snow White.
Social media laka hate opor Zegler koishe, “Etia time te bishi alarming lage, kintu victim mindset to ekta choice ase, aru moi etu choose nakore. Moi nastiness choose nakore, negativity bhi choose nakore. Moi positivity, light aru happiness hi choose kore.” Tai etu bhi koishe ki happiness bhi ekta choice hoi, aru tai nijor life live koribo paribo karone lucky feel kore.
Zegler Palestine ke bhi support dikhai ase, juntu Gaza conflict chol thaka time te. Tai koishe ki tai laka compassion to limit nai, aru etu support korile bhi baki support to deny nohoi. “Moi laka heart te boundary nai. Jodi etu moi laka problem hoile,aru biya sob ase,” tai koishe.
Snow White film to Marc Webb banaishe, juntu 500 Days of Summer aru The Amazing Spider-Man series karone famous ase. Film to March te release hoishe, aru Gal Gadot bhi Evil Queen laga role loishe.
Add Comment