Guwahati, 24 June : Ayushman Malakar laga ekta zor laga bowling spell (6/21) Assam ke Namibia tour te laga first jeet loi jabo te guide korise. Assam, Monday din Namibia XI ke tini wicket te haraise.
Namibia XI ke patham batting koribo nimite invite korise, aru team 42.1 overs te 178 run te all out hoise. Malakar ball te ekdom outstanding performance dikhai dise, regular interval te wicket tulise. Mrinmoy Dutta opener Zane ke duck te out kori early breakthrough disey, aru tar pisot Malakar innings ke pura dominate kori wicket-upon-wicket loi thakise. Ta laga 10-over spell te 6/21 laga figure paise, jun tu series te best bowling performance laga record banai dise. Namibia XI laga batting te J. Smith (61) aru Frylinck (47) major contribution disey.
Assam reply te wicket regular te harai thakile bhi, important partnership laga wajah te last te jeet loi jabo parise. Batting te important run Sibsankar Roy (43), Sumit Ghadigaonkar (36), Rishav Das (33), aru Saahil Jain (32) disey. Assam 45.2 overs te 179/7 score kori target chase down korise.
Add Comment