June 24, 2025, 07:01 PM: District Level Committee para Pani aru Sanitation nimitey, Jal Jeevan Mission laga implement kuriboley nimitey, Phek nimitey, tai khan laga meeting loishey, DC laga Conference Hall, Phek tey, 23rd June, 2025 tey.
DC & Committee laga Chairman – Rhosietho Nguori para itu meeting chair kurishey, Tai para tatey present thaka member khan ke welcome kurishey aru inform kurishey ki, itu Commitment toh hoiley continue thakiboley asey, eneka nishina meeting conduct kuriboley thakiboley, quarterly hisap tey.
Itu meeting tey report khan highlight kuria laga hisap tey. JJM Project khan toh hoiley, PHED aru Rural Development laga department under tey implement kurishey, 112 bosti khan cover kuri kena, itu district tey.
Executive Engineer PHED, Er. Narisen Jami para inform kurishey, itu house ke, ki, JJM Project khan toh hoiley itu WATSAN committee khan laga initiative under tey implement kuria laga thakishey, itu respective bosti khan laga. Tai para update kurishey ki, 91 bosti khan itu PHED laga supervision under tey thakishey, kotey 60% laga kaam khan toh hoiley complete hoi kena asey aru itu department para certify kuri di kena asey.
Project Director DRDA, Phek, Zhoi Lohe para itu house ke inform kurishey, ki, JJM Project khan toh 25 bosti khan tey, implement kuri di kena asey, itu RD department laga supervision under tey, kotey itu sob 25 project khan toh hoiley pura puri success hoi kena asey.
Tai laga closing remark khan tey, itu Chairman para itu line department khan ke intensive supervision kuriboley karney koishey, sob implement kuria laga project khan tey, successful para itu kaam khan complete kuribo pariboley.
Add Comment