New Delhi, 26 June : Cristiano Ronaldo Al Nassr te thakibole laga contract extend koribo ase aru notun ekta deal sign koribo loy ase, itu report te budhbar din janai dise.
FIFA Club World Cup 2025 te khelibole karone club change koribo pare buli afwa faili thaka nimite, Ronaldo itu mahina laga shuru te confirm kori dise ki tai tournament te hissa nohobole ase.
Ronaldo Al Nassr karone hul milaike 105 match khelise, junte 93 goal aru 19 assist record kori dise, kintu itia tak league title jitibo pariabau.
Khalilo season te, Al Nassr points table te third position te finish korise, juntu karone agola saal laga AFC Champions League Elite te jagah painai, aru tai logot AFC Champions League 2 te khelibo lagibo.
Add Comment