Aizawl, 18 December: Mizo National Front (MNF) laga ruling legislator Lalrinliana Sailo ke Tuesday din state Assembly laga Speaker junise.
Poila laga Congress government deh Health and Trade and Commerce minister thaga 59 sal Sailo toh Speaker’s election nemide juna ekala candidate ase.
Chief Minister Zoramthanga, opposition MLAs deh Bharatiya Janata Party legislator Buddha Dhan Chakma pora be Sailo logode congratulate korise.
2003 sal time pora Sailo toh jar-par karni Assembly deh junise. Tai October moina Congress charikena MNF deh join howah thakise. November 28 Assembly elections deh, tai Independent candidate F. Rualhleia logode 1,007 votes pora jeta thakise.
Pro-tem Speaker Lalrinawma pora deputy speaker laga election toh Thursday din thakibo koikena janaise.Tin-din first Assembly session toh Thursday din tak jai thakibole ase.
November 28 Assembly polls time deh, MNF pora 40-member Assembly laga deh 26 seats pora jeta thakise. 2013 Assembly polls time deh MNF logode khali five seats powah thakise aro Congress 34 pora jeta thakise. Hoilebe etu par Congress deh khali five seats paise.
Add Comment