Mon, 26 June 2025: International Day Against Drug Abuse and Illicit Trafficking observe kurise Town Council Hall, Mon de 26 june 2025 de aru theme tu “Breaking the Chiains: Prevention, Treatment and Recovery for all” takise.
Deputy Commissioner Mon, Wennyei Konyak, NCS, para kotha kurise drug addiction opor ekta serious issue ase koina Nagaland de hi nahoi kena sob india aru duniya de ase koise. Aru note ekta appeal kurise sob officers, civil societies khan ke eke loko kam kurivolae etu drug addiction loko fight kurivolae aru society tu drug-free society ekta bonavolae.
Ekta short speech bi dese OST counselor ,mon, Ingaupule Thou para dai para koise main objective etu din laga tu drug free abuse laga goal achieve kurivolae ase koise.
ASI,SP office Mon Latwang para daila experience share kurise police perspective para. dai para koise kunba cases tu addiction tu hereditary ase papa para bacha pass down hua, broken families aru school dropouts.
KNSK laga representatives khan para request kurise sob officers aru civil societies aru common manu khan ke hands join kurivolae drug abuse opor fight kurivolae aru society ekta bhal kurivolae.
Programme tu EAC,Mon Er.R. Mhao Humtsoe para chair kurise. Programme tu vote of thanks SDO (C) Mon Ajit Kumar,IAS para conclude kurise.
Add Comment