GUWAHATI | December 19, 2018:
Secondary Education Board of Assam (SEBA) toh High School Leaving Certificate (HSLC) examination February 14 para March 2, 2019 tok kuribole ase. Aha saal laga Lok Sabha elections sai kena examination schedule banaishe.
Examination toh 857 centres te hubo ase. Examination toh 3.57 lakh students para dibo ase. Ahibo laga dui teen din majote Board para 2019 laga HSLC examination table publish kuribo koishe.
Sensitive aro hyper sensitive centres te examination smoothly hubo paribole special measures lui ase. Etu centres khan te examination monitor kuribole khali special flying squads he narakibo koishe. Hoile bhi Special flying squads khan logote Section 144 CrPC etu centres para 100-metre majote rakhibo koishe. Jua saal Board para state te 73 sensitve aro hyper sensitive centres identify kurishe.
SEBA sources koishe examinations te eku biya ghatna nohubole sob efforts lubole target kuri ase. Etu efforts khan majote Section 144 bhi ase.
Dur-remote jag ate examination centres thaka te convenient nimite Board para Schools Inspector through para centre committee approval provision introduce kurishe.
Poila samay te, approval toh Board para de. SEBA website te etu laga khobor janaishe.
Add Comment