GUWAHATI | December 19, 2018:
Police para duita students ke Golaghat para dhurishe. Duita students toh United Liberation front of Asom- Independent (ULFA-I) join kuribole jai thakishe. Duita students toh Gopur para ase. Gopur toh Arunachal Pradesh boarder osor te ase. Etu duita students toh Baniya aro Nabo Handique ase. Baniya toh Class X student ase aro Nabo Handique toh third semester student ase.
The Hills Times khobor hesab te pacca khobor pa nimite Tuesday fusur te Rangajan Tinali night service bus te raid marishe. Etu raid toh additional superintendent of police Dhruba Bora para lead kuri kena police aro CRPF laga joint team para kurishe. Bus toh Nagaland laga Mon town te jai thakishe.
Khobor paishe ke police team para Guwahati para ahi thaka duita students ke dhurishe. Duita students toh Mon town te jai thakishe. Mon town punchiya pichete students ke Myanmar osor te thaka banned training camp te loi jabo thakishe. Sawal huda samay te duita students confess kurishe tai khan poverty aro unemployment para monduk hoi kena ULFA-I join kuribo thakishe.
Add Comment