Brussels, 28 June : Neeraj Chopra biswa ranking te abar top te ulaise, juntu latest World Athletics official website te eta list release korise etiya haafta te.
Men’s javelin throw te reigning world champion thaka Neeraj, September 17, last saal te Anderson Peters logot laga ranking harai dise thakise — karon Peters, Grenada pora thaka athlete, Brussels te Diamond League Final jitise. Kintu Neeraj laga consistently bhal performance karone tai abar Peters ke cross kori top position loi lobo parise.
Tuesday din release kora latest list hisab te, Neeraj laga total point ase 1445, jabole Peters laga ase 1431. Germany laga Julian Weber third position te ase 1407 point loi, aru Pakistan laga current Olympic champion Arshad Nadeem fourth position te ase 1370 point loi.
27 bosor laga Neeraj, juntu September te Tokyo te World Championships te tai laga title defend koribo, etu saal tai laga season South Africa laga Potchefstroom te ekta invitational meet pora shuru korise — junte tai April te 84.52m throw pora win korise.
Tai laga Diamond League opener Doha te, Neeraj prothom bar 90m cross korise — 90.23m throw pora, tai laga previous best 89.94m ke better korise. Kintu even after that, Neeraj second finish korise, karon Germany laga Julian Weber world-leading 91.06m throw dishe — juntu tai laga prothom 90m+ throw bhi thakise.
Doha pora pichite, Neeraj Poland laga Chorzow te Janusz Kusocinski Memorial te participate korise — junte tai 84.14m throw korise aru Weber 86.12m throw pora abar second position te finish korise.
Kintu Paris Diamond League te Neeraj Weber ke finally beat korise, junte Indian athlete opening throw 88.16m pora top te finish korise.
Tuesday din, Neeraj laga season laga third victory aise — Ostrava Golden Spike te, abar 88.16m throw pora.
Neeraj laga next event hobo inaugural Neeraj Chopra Classic, juntu July 5 te Sree Kanteerava Stadium, Bengaluru te hobo.
Add Comment