SHILLONG | Dec 18, 2018:Biya weather nimite coal mine te 13 miners fasi kena thaka khan ke bachabole dikdar pai ase. Biya weather nimite rescue operations te affect hoishe. 13 miners toh Ksan bosti laga coal mine te fasi kena ase. Ksan bosti toh East Jaintia Hills te ase.
Jua kali phone para East Jaintia Hills Deputy Commissioner, FM Dopth TNT-The Northeast Today ke khobor kurishe biya weather para agi rescue operations affect kurishe.
Mr. FM Dopth koishe rescue teams NDFR, SDRF aro police khan coal mine te pani juma hoi kena thaka kom kuribole dikdar pai ase koishe. Dopth koishe etiya dusra opai te dangor pani pump kora machine anibole lagibo. Hoile bhi Mr. Dopth koishe pura region te bishi dangor pani laga pump toh nai. Etu mahine toh bahar region para ani bo lagibo koishe.
Dopth koishe pani level kom nohoile NDRF divers khan bhitor te jabo naparibo. Ami khan bishi dikdar situation lok pai ase. Bhal situation hubole hope kuri ase.
Deputy Commissioner koishe mines bhitor laga pani toh crystal clear ase report paishe koishe.
Additional Superintendent of Police Lethindra L. Sangma koishe illegal coal mining connection te kun manu bhi aro arrest huwa nai.
Add Comment