June 28, 2025, 05:42 PM: Itu Nagaland U-20 football team para ekta dominant performance deliver kurishey, itu fujur tey, ekta friendly match tey, itu Bengaluru FC Young Blues Elite team against tey, itu Inspire Institute of Sport (IIS) Football Ground tey para. Itu match toh hoiley, itu Nagaland laga Hon’ble Chief Minister – Dr. Neiphiu Rio aru tai laga delegation laga visit laga part thaki kena, Vijayanagar tey.
Itu Hon’ble Chief Minister ke Nagaland laga senior dignitary khan para accompany kurishey, kuntu toh hoiley itu match tey present thakishey, itu team ke support kuriboley. Tatey punchi kena, Dr. Neiphiu Rio para ke felicitate kurishey, itu nspire Institute of Sport (IIS) para. Itu match khili kena hoa pichetey, tai para ekta motivate kuria laga address kurishey, itu player khan ke, tai khan laga bhal performance ke commend kuri kena, aru tai khan excellence khidaboley karney encourage kuri kena, commitment aru discipline logotey.
Tai laga remarks tey, Dr. Rio para Dr. T. Ao laga legacy yaad kurishey, independent India laga national football team laga first captian aru Nagaland laga proud chukra. Tai para note kurishey, “Dr. T. Ao toh hoiley pride aru inspiration laga ekta symbol asey, Naga manu khan nimitey aru Indian football laga bhi.
Itu match tey, Arap Konyak itu match laga star naam paishey, tai para hat-rick goal khilai kena, itu 7th, 32nd, aru 44th minute khan tey. Ngangsang K Phom para last goal dhali dishey, itu 41st minute tey, aru eneka goal dhali kena 4-0 para jeetiloishey, Nagaland nimitey.
Add Comment