Serbia police khan anti-government protestors lokot clashed kuri sey Belgrade te

Serbia, 29 June 2025: Serbian police khan dangor group anti-government protestors lokot clashed kuri shey early election demand kuri kina aro President Aleksandar Vucic’s 12 saal rule toh khotom kuribo leh capital Belgrade te. 140,000 manu protestors nishina jama hoishey city te, sopse dangor turnout recent months te, tadeh student-led demonstrations kan pressure hali shey populist government opor te. Crowd pra hala kuri shey, Moi khan elections lageh!!! Dozens nishina ke dhuri shey, tade riot police khan ke dikhi shey tear gas aro stun grenades khan chulai thaka. President Vucic pra protestors khan ke accused kuri shey election toh foreign plot ase hisa ase koina aro tai laka country ke usurp kuribo leh koshis kuri ase. Taikhan Serbia ke girai dibo leh mon ase aro taikhan etu pari nai, Tai pra Instagram page te enika likhi shey.