‘Messi logot best stats nai, hoilibi sobse influential Club World Cup player ase

Atlanta, 29 June 2025: Argentina superstar Lionel Messi loko best stats nakibo pare etu FIFA Club World Cup de, hoilibi etu eku doubt nai dai sobse influential payer ase 32-team tournament de, Arsene Wenger para koise. Former Arsenal Manager para explain kurise ke Messi laga ordinary numbers hoilibi, dai sobse influential players ase Club World Cup de, kun compete kuri ase Vinicius Jr.,Erling Haaland, Ousmane Dembele aru Michael Olise logoy. “Difference ase best player tournament de aru sobse influential player opo,” Wenger para koise ekta interview de journalist Jose Armando loko. “ Lionel Messi loko best stats nai etu tournament de, hoilibi eku doubt nai dai sobse influential ase. Dai natakele Inter Miami tu qualify nohobo takise”. Dai para compare kurise Messi ke Bayern munich laga Olise ke aru koise ke German khan qualify hobo takise knockout stage para Frenchman laga three goals aru duida assits natakelivi group stages de. “Dangor difference ase . Michael olise loko best numbers ase etu tournament de aru bhal kelese beshi matches de, hoilibi Bayern Munich tu qualify hobo dai natakelivi. Inter Miami tu nahobo Messi natakele,” dai add kurise.