Raj Bhawan, Maharashtra jaga deh ek-din karni Prime Minister Modi ahha time deh Bollywood producers aro actors, Akshay Kumar, Ajay Devgn aro Karan Johar nesana khan toh PM logode log kora thakise.Prominent film producers, Ritesh Sidhwani, Siddharth Roy Kapur, Film Producers Guild laga president, Rakesh Roshan, Ronnie Screwvala, Vijay Singh – CEO – Fox Star Studios aro Central Board of Film Certification (CBFC) laga chairman Prasoon Joshi nesana khan be ahha thakise.
Team khan toh media aro entertainment industry laga growth othibole kotha kowah thakise.
Tai khan pora be entertainment industry laga GST toh komti korikena phal pora uniform rate deh thakibole kowah thakise.Prime Minister pora kowah toh, Indian entertainment industry toh porah duniya deh naam gamai kena kushi manai ase. Etu toh main ekta ase duniya deh soft power status othi thaga.Tai pora delegation khan logode kowah toh, Union Government pora media aro entertainment industry logode motob debo aro kotha janaideya toh phal pora manibole koribo.
Film industry laga delegation deh hesha thaga Kumar pora honourable Prime Minister Narendra Modi logode thanks janaise. Kelay koile tai laga time olai kena Industry logode motob koribole kotha janaideya karni.
Members khan pora be Mumbai laga development nemide kotha kowah thakise. Tai khan Mumbai toh alag-alag plan aro proactive approaches pora global entertainment capital bonabole janaise. Etu pora film wala khan PM Modi logode log kora second par wala ase. Tai khan first toh etu sal October 24 direk deh log kora thakise. Maharashtra deh ek-din karni jaa prime minister pora Rs 41,000 crore laga infrastructure aro housing projects olaise.
Add Comment