England para Euro U21s title jitishey

London, 30 June : Jonathan Rowe bench para uthiya aru extra time te ekta goal maari dise, jun laga karone holder England Under-21 European Championship final te Saturday raat te Germany uporte 3-2 te jiti loishey. England initially duita goal te lead loise thaka bhi, etiya lead slip kori dise, kintu Jonathan laga goal England ke bachaise. Lee Carsley laga team duita saal age je title jitisey, etu bar bhi retain kori lobi, aru etu England laga total title count charta hoise. Kintu etu bar final te Germany laga team, jun group stage te England ke haraise aru favourite thakise, tai pura match te dangor challenge dise.