Charlotte, 30 June : Chelsea FC extra time te tinta goal mari SL Benfica ke harai dise aru FIFA Club World Cup quarterfinal te Palmeiras logot kheli bo laga ticket paise.
Charlotte te weather delay hobar karone bisi dramatic match te, Angel Di Maria 95th-minute te penalty goal mari Portuguese team ke equalise korai dise, juntu Reece James laga second half te diya goal ke cancel koridise.
Benfica laga substitute Gianluca Prestianni extra time suru hote he red card pai jabo laga pora Chelsea advantage loi, Christopher Nkunku, Pedro Neto aru Kiernan Dewsbury-Hall goal dise, FIFA laga report te koishey.
Match te Chelsea bisi dominate kori thakile bhi, first goal anar kotha te struggle kori thakise, juntu James laga ekta clever free-kick pora finally break korishey.
Match shuru te Enzo Maresca laga team ekdom lead loi jabo lage jabo thakise jetiya Marc Cucurella laga ekta zoror shot goalkeeper Anatoliy Trubin ke beat kori dise, kintu Antonio Silva goal line pora clear koridise. Tar pisot Cole Palmer aru Cucurella laga dangor shot Trubin bhal save korise.
Chelsea laga breakthrough ahise hour pora thik bitor. Reece James ekta free-kick loi cross dibo nisina dikhai thakile bhi direct goal try korise, aru powerful strike goalkeeper ke near post pora beat koridise.
Benfica pora dhire dhire attack te manpathai thakise equaliser anar nimite. 78th minute te Prestianni ekta bhal chance miss korise jetiya position bhal te thakile bhi shot wide diyise.
Besi dangor weather delay laga pichete, Benfica last push dise aru 90+5 minute te equaliser pai jabo. VAR review pora Malo Gusto laga handball karone penalty dishey, aru Di Maria confidently convert korise.
Extra time surute Prestianni second yellow pai red card loise. 10-man te thakile bhi Benfica threat dikhai thakise jetiya Kerem Akturkoglu laga shot Robert Sanchez bhal save korise.
Kintu last te Chelsea laga power dominate korise – Moises Caicedo laga shot Trubin laga under pora loose hobo pora Nkunku close range pora goal mari dise. Itu pichete Pedro Neto ekla jai cool finish pora goal dise aru result confirm koridise. Dewsbury-Hall ekta aur goal dise juntu scoreline ke aur dangor banai dise.
Itiya London team Palmeiras logot quarterfinal match khelibo – juntu te Chelsea-bound teenage sensation Estevao bhi thakibo – July 4 tarik te Philadelphia laga Lincoln Financial Field te.
Add Comment