Lausanne, 1 July : Khelo Bharat Niti 2025, juntu agote 1984 te National Sports Policy para janai thakise, etu 2001 policy ke replace koribo. Etu ekta “guiding document” ase, juntu desh laga sports system ke bhal koribole plan aru scheme banabo karone use hobo.
Cabinet Tuesday din approve korise Khelo Bharat Niti, juntu ke “strategic roadmap” koi kina, India ke world sports top-5 te loi jabole target ase. Etu plan te world-class coaching, athlete support aru strong administration system thakibo, Olympic 2036 karone India ke strong contender banabo karone.
Information Minister Ashwini Vaishnaw koi dise je last 10 bosor laga experience use kori kina, new policy sports ke bhal koribole kaam koribo. Main aim ase 2047 te India ke top-5 sporting nation banabo.
Add Comment