US, 1 July 2025: James Gunn, DC Studios laka co-head, eneka khobor te response dishe ki actress Adria Arjona nishina laka Wonder Woman hobo paribo notun DC Universe te. Fans khan kota kurishe jitia James Adria ke Instagram te follow korishe. Bishi manu bhabishe etu mane Adria ke Wonder Woman karone select korishe.
Ekta interview te Extra logot James koishe, “Moi Adria ke Instagram te follow kori ase, kintu manu khan dekhiloishe aru bhabishe, ‘O, etu mane Adria hi Wonder Woman ase.’ By the way, Adria ekta bhal Wonder Woman hobo.” James janai dishe ki tai duijon ek jon ke jane. “Adria moi banai thaka The Belko Experiment movie te 7 sal age act kori thakishe. Moi aru Adria old friends ase. Moi etiya nohoi, bishi aage pora follow kori ase, manu khan etia notice korishe.”
James bhi confirm kori dishe ki ekta notun Wonder Woman movie likha shuru hoise. Kintu etu movie, Paradise Lost juntu Wonder Woman laka prequel series ase, logot eku nai. Paradise Lost toh alak project ase.
May 2025 te Warner Bros. Discovery laka meeting te CEO David Zaslav koi dishe Superman, Batman, Supergirl aru Wonder Woman DC future karone important characters ase. James bhi eneka koi dishe, “Etu charta character khan amikhan karone bishi important ase.”
James clear kori dishe ki etia bhi Wonder Woman karone select kuranai.
Poila Wonder Woman, Gal Gadot, juntu old DC movies te khele, etia notun story te nathakibo.
Aru DC upcoming films te ase Superman July 2025 te, Supergirl: Woman of Tomorrow June 2026 te aru Clayface September 2026 te ahibo.
Add Comment