July 01, 2025, 06:05 PM: Itu Nagaland State Disaster Management Authority para ekta weather update khan issue kurishey, ahi thaka din khan nimitey, ki, Nagaland tey toh hoiley pani khan gira laga experience kuriboley asey, itu sob district khan tey, 1st July, 2025 para shuru kuri kena 8th July, 2025 tak tey.
Itu pani khan gira homoi tey bijli (thunder/lightning) khan mari kena bhi pani giriboley nishina asey koishey, itu sob district khan tey. Heavy pani khan giriboley laga bhi predict kuri asey, majority district khan nimitey, 2nd July, para 6th July, 2025 tak tey. Kiphire aru Tuensang khan tey toh hoiley bishi heavy para pani giriboley nishina asey koishey, 2nd July aru 3rd July, 2025 tey. Itu nimitey itu toh hoiley lagi thaka measure khan loboley laga jaroori thaka laga janaishey, itu homoi tey, eneka hoiley hey lightning strike khan aru jor para hawa mara para bhi bachiboley paribo.
Aru bhi, itu raasta transport communication aru connectivity khan tey bhi affect hoboley pari asey, itu aha din khan tey. Pahar jaga khan Nagaland laga lowland aru foothill district khan, Dimapur bhi milai kena, Niuland, Chumoukedima, Bhandari, Bhandari, Baghty, Tizit aru Tuli tey bishi para eneka pani khan lightning khan bishi hoboley nishina thaka para, itu jaga khan tey pani khan bishi jama kuriboley nishina asey aru flash flood khan hoboley nishina asey.
Itu laga regard tey, NSDMA, Home Department para public khan ke urge kurishey, husiyar thakiboley karney, kiba kibi ghatna khan hoboley thaka tey para bachi kena thakiboley karney.
Add Comment