Dimapur, 18 December: Tuesday din CMO’s office Dimapur jaga deh, Chief Medical Officer Dimapur logode ambulance paise. Airport Authority of India, Dimapur. M. Zhimo, Airport Director pora Dr. K. Vikato Kinimi, Chief Medical Officer, Dimapur logode ambulance laga key toh Sushil Kumar Patel, Deputy Commissioner of Dimapur thakikena dese.
Dr K Vikato Kinimi pora trained health personnel aro technicians toh janibole kotha janaise aro ambulance toh para tak joldi operate koribole janaise. Tai pora kowah toh, etya district deh manu khan logode ambulance debole (serve) daiyar hoise. Tai pora ambulance toh medical coverage pora official guests aro NIPs invitation nemide jolabole paribo.
Dr Kinimi pora AAI laga office, besi phak DK Kamra, Regional Executive Director, NE Region Guwahati aro M Zhimo, Airport Director, AAI Dimapur pora morom korikena donate kora karni kushi powah kotha janaise.
Function time deh tusara officials khan ahha majode, Dr Antoly Suu, Deputy CMO, H Paul, AGM (Finance), S. Amenla Aier, Assistant Manager (HR), M. Ponger, AGM (Engg-Elect), Dr Imtiwabong, DVBO, Dr C Tetseo, NTCP, Dr Rebecca, DPO (UIP/RCH), Dr Heto, ZLO, Kikolul Khieya, Assistant Director, UVBDS, Samuel, FSO, aro CMO Dimapur pethor laga staffs thakise.
Add Comment