Badapest, 23 February: Indian men’s doubles pair Achanta Sharath Kamal aro Gnanasekaran Sathiyan para ITTF World Tour Hungarian Open te silver medal jetishe. Etu toh summit clash te German pair Benedikt Duda aro Patrick Franziska logode hara bechide ase.
Indian pair pra semi-finals te top seeds Ho Kwan Kit and Wong Chun Ting of Hong Kong logode 3-2 para jeta thakise. Saturday te 16th seeds German pair para khel toh 30 minute te 5-11, 9-11, 11-8, 9-11 score para kothom korideya thakise.
Sharath Kamal para etu kaam laga tournament te medal toh tui par loise. Tai para bronze toh mixed doubles te Manika Batra logode melikena khela te loise.
India nemide toh super Saturday howah thakise kelay koile Chennai’s Mathan Rajan Hansini para Swedish Junior and Cadet Open te bronze toh mini-cadet girls’ singles category te jeta nemide.
10 sal class V student toh semi-final match te Russia’s Iuliia Pugovkina logode 12-10, 9-11, 5-11, 8-11 para nahara agae te group stages te jeta toh thakise.
Main draw te tai para Russia’s Aleksandra Bokova ke 12-10, 9-11, 9-11, 3-11 para round of 16 te jetishe aro quarter-finals te USA laga Isha Bajpai logode 11-3, 12-10, 11-9 para jetishe.
Cadet girls’ singles section te, tusara Indian talent, Suhana Saini toh pre-quarterfinals te ponjishe. Suresh Raj Preyesh be cadet boys’ singles section te pre-quarters bonaishe.
Add Comment