Rio de Janeiro, 23 February: Austria laga Top-seeded Dominic Thiem ke toh Italy laga Gianluca Mager para eliminate korise. Etu toh Saturday din two-day Rio Open quarter-final te ase.
Friday din Mager 7-6 (4), 2-1 para led thakise hoilebi match toh bhari paani kera nemide suspend kroa thakise. Tai Saturday din second set 7-5 para jetikena semi-finals ponjishe.
Mager koise, “Ami toh speechless ase. “Tai logode kelaaf korikena khelibole laga toh saboona nesana ase. Ami tai ke toh hotai tv te sai”.
Thiem koise, tai toh Rio te tai alga best form thaka nai. Hara nemide be tai No 3 world ranking, Roger Federer logode khelibole chance paishe.
Tai koise, “Etu hapta ami best tennis toh khela nai. Ami toh sob chese kosish kora thakise. Hoilebe ami jitibole toh para nai. Tai toh phal khelari thakise. Ami toh defence te he pura samai thaka nesana bona thakise aro ami laga strokes te power toh kafi thaka nai. Ami besi aggressive, serve aro volley khelibole kosish korise hoilebi etu toh kaam howah nai”.
128th-ranked Mager toh tournament te set naharikena ase. Tai final jaga nemide Hungary’s Attila Balazs logode khelibole ase.
Add Comment