December 4th, 2023 : Itu District Administration para Advent Christmas Programme organised kurishey, December 3rd, 2023 tey, Clock Tower tey para, alag alag denomination laga manu khan ke invite kurishey. Tuensang laga SP – Kanchan Kumar Kandpal, IPS para tai laga kushi pawa laga janai di shey koishey, itu organizer khan ke eman khata homoi tey, homoi ulai kena sob ke unite kuriboley para aro itu programme rakha nimitey.
SP Kandpal para Christmas laga meaningful celebration aro Christmas manaa laga importance koi dishey, aro jama kura manu khan ke kushi aro shanti nimitey budli anibo karney hope kuri thakiboley koishey. Tai para announce kuri shey CCTV camera khan, Tuensang laga jaga sob tey install kuri kena asey, law aru order thik-thak rakhiboley karney.
Rev. Achu Chang, Executive Secretary CBLT, para Christmas message deliver kurishey aro community khan ke encourage kurishey, itu Christmas toh aatma laga shanti aro maap kuribo para Christmas celebrate kuribo lagey koishey. Tai koi shey eneka meaningful Christmas celebration toh misa mishi tey festival laga naam para time waste nakuri kena ekjon ekjon majetey peace bana boley lagey, itu para hosa christian asey koa toh dikhai, koishey.
Itu program toh hoiley, NBC laga Pastor – David para invocation loi kena shuru kurishey, Baptist Thangyen School aro Yimkhiung Baptist Church special presentation kurishey, aro Tuensang laga ADC – Thungchanbemo Tungoe para welcome address dishey. President CKS,USLP,CWS,TTAWU,TTC&I aro TTBPU para Special greetings janai dishey. TTBL para Christmas carol present kurishey aro Tuensang Hq laga DBs para special number kurishey.
Itu program laga chairman toh – Keneile- u Suokhire thakishey, attendance District Administration para attendance loishey, church members, ward laga representatives, students, aro Tuensang tae Hindu aro Muslim communities laka members khan bhi present thakishey koishey.
Add Comment