December 04, 2023 : Longleng laga majestical khisa, ekta pahar opor tey, kuntu toh hoiley 2500 meters nishina thakibo, pani laga level para, Yingnyushang tey- ekta sai kena sundur laga jaga asey, kuntu tey toh hoiley ekta significant jaga asey koishey, itu cultural aro mystical tapestry tey, itu Phom Naga khan laga asey.
Phom Naga khan laga ancestral chronicles hisap tey, Yingnyushang toh, tai khan laga ancestor khan thaka laga jaka thaki shey koishey, Yingnyu bosti toh aji laga din tey, Yingnuyanshang laga naam para jani pai koishey. Etu kahani toh shuru kurey itu bosti tey bhal thaka homoi tey ekta dangor janwar (Nyam) kuntu aji laka zamana tey Rhino koi etu ulai kena tai khan laka shanti aro aram thaka toh bhangai dishey,hudai ekta ekta bacha ke uthai loi jai.
Etu hoa homoi tey, etu bosti tey ekta dangor meeting rakhishey koishey, tatey manu khan sob milikena etu janwar (aatma) toh mariboley kurishey. Tai khan bisari kena paishey aro itu Nyam ke chipai kena rakhishey, tai laga ziba kati kena piece piece kuri kena aro ghor ghor tey dishey koishey. Ekta mota nathaka maki toh, eneka thakilebi, itu jaadu (ritual) para toh alak rakhidiye koishey, aro retaliation tey aru bhi ekta Nyam ahey koishey, itu pura bosti ke bhangai di kena jai jai koishey. Itu mota nathaka maiki laga ghor khan toh eni pahar laga summit tey rakhi diye koi shey.
Eneka manu aha jawa kurilebi, itu Yingnyushang toh Phom Naga Community karney ekta significant asey koishey . Poila zamana(time) tey eneka puja (rituals) khan tu pahar khan tey bera kuri thakishey koishey pani ahiboley karney. Bosti manu khan para jui julai kena itu ritual khan toh practice kuri thakishey koishey, itu jui laka dhuwa toh upor jaishey koiley pani giribo koi kena biswas kuri thakishey koishey. itu laga practice toh aji bhi biswas kurey koishey.
Bonduk (gun) akas tey chula aro dimak thik nathaka manu logotey bera mongsu dhura laga, pahar(mountain) tey, eneka kuriley pani giribo koikena, itu biswas rakhi kena.
Itu Yingnyushang manu khan para biswas(belief) kura toh hoiley, hara saman khan eg, dao khan nihisna bhi etu pahar (mountain) para wapas kurey koishey, aru pichetey pai koishey, aro etu sob say upor pahar toh tai khan laka jama kura laga jaga thakishey koishey, aro etu jaga tey alag alag manu laga aatma jama kurey koishey..
Aji laga zamana tey climate change kura upor tay , itu kahani khan toh olop olop alag thakibo parey hoilebi itu toh hosa laga khisa asey, Phom Naga manu laga belief aro tradition toh itu khisa khan tey rooted asey koishey..
Add Comment