April 2, 2024: Aespa member Karina aro actor Lee Jae Wook, official alak alak jaka deh jai shae. Couple, kun laka relationship para ekta controversy spark kuri shae ekta dating apology karne, taikan public jai nah pas hapta piche break up kuri shae. Ekta exclusive report isap deh, split laka reason tho mental strain ase hate comments kan karne.
C JeS Studios, Actor Lee Jae Wook laka management agency para breakup report tho confirm kuri shae. Ekta statement deh, agency para etu kui shae,” Actor Lee Jae Wook para relationship tho kotom kuri bole decide kuri shae, tai itia kura kam deh focus kuri bo karne. Taijun tho bhal colleagues taki bo aro ekjun ekjun keh support kuri taki bo.”
Statement para etu aro kui shae,” Taikan laka respective avenues para, taikan laka fans keh greet kuri taki bo future deh. Morom she apni kan laka interest aro support di b.”
Couple laka relationship tho South Korea media Dispatch para expose kuri shae February 27 deh. Report tho phat tuita star laka agency para confirm kuri shae.
Add Comment